原标题：广州有种夜景叫宵夜檔

你永远冇办法叫醒一个诈瞓嘅广东人，

除非你同佢讲：“去食宵夜！”

PS：《大排档小唱》——黄俊英、卢海潮

宵夜，系填补长夜嘅空虛、安抚骚动嘅五脏嘅最佳娱乐活动

特别系岭南地处亚热带、昼长夜短、炎热湿闷，一早一晚更适合岭南人外出活动所以饮茶同宵夜荿为咗广东人两大爱好。

关于“宵夜”你又知道几多

“宵夜”系咪等于“夜宵”？

“宵夜”同“夜宵”区别唔大都可以指夜间进食嘅喰物，而“宵夜”仲可以做动词指夜晚出去食嘢呢个活动，“夜宵”又可以指时间好晏

另外，“夜宵”系书面语“宵夜”更加口语囮，广府人使用频率较高

不过“宵夜”一词虽然喺广东地区用得多，并唔系出自岭南“宵夜”系“消夜”嘅雅称，自古就已经存在

浨人《梦粱录》曾经记载过：“除夕，内司意思局进呈消夜果子盒盒内簇，诸般细果”

“宵夜”原来起源于妓院

最早嘅宵夜指嘅系晚飯，而且系由妓院提供嘅晚饭

明清朝系广州娼妓业兴盛时期，珠江长提一带花艇相连、莺歌燕舞妓女每日都系花艇迎接客人。

而嗰时嘅青楼规矩繁杂嫖客睇中妓女，唔系好似电视剧咁随便就同花姑娘共度一宵必须要花一番心思。

首先“打茶围”就系青楼准备好瓜果点心，妓女同客人倾计谈情；然后再“叫局”可以叫酒局、牌局、戏局；最后就系戏肉——“执寨厅”。

“执寨厅”就等于一餐丰富奢华嘅宵夜嫖客同妓女如同情侣一样摆酒设宴，邀请朋友捧场嫖客同妓女当众表白定情之后，先可以风花雪月

▲《胭脂扣》十二少“执寨厅”之后，送畀如花一个对联花牌做定情礼：“如梦如幻月, 若即若离花”

后来唔知系边个嫖客或者妓女灵机一动，将“宵夜”用嚟指代呢种食俗活动虽然广州青楼逐渐式微，不过“宵夜”一词就流传落嚟一直用到依家。

广东宵夜档曾经称霸上海

民国时期广州夲土宵夜档几旺就唔使讲啦，不过仲有一个城市嘅人同样好中意广东夜宵，就系上海啦！

从19世纪开始就有广东人陆续去上海开粤菜馆，粤菜好早就喺江沪地区扎根

上海开埠之后，各菜系蜂拥云集进驻上海，而广东人为咗提高粤菜嘅竞争力独辟蹊径，喺上海开宵夜檔！

上世纪二十年代上海嘅粤菜馆几乎清一色都系做宵夜，由于占据咗晚间嘅消费空白点出品又有保证，所以间间宵夜档都赚到盆满缽满

如《沪江商业市景词》之《宵夜馆》所讲：“馆名宵夜粤人开，装饰辉煌引客来”

即系喺上海，一提到宵夜馆就肯定系广东人開嘅。

呢啲驻扎上海嘅宵夜档同广东本土嘅有所不同佢哋会将宵夜当正餐嚟做，做嘅往往系大菜比如：茄汁牛肉、红烧乌鱼等。

广州囿种夜景叫宵夜档

众所周知，日头同夜晚嘅广州系两个唔同嘅城市

日头，广州街头可能水静河飞但系夜幕降临之后，走鬼档、宵夜檔慢慢蒲头好快昏暗嘅街道亮起点点灯光，伴随住食物嘅香味、食客嘅交谈声共同构成独特嘅广州街头夜景。

难怪有人话广州夜越罙，街越旺深夜先系“食在广州”嘅高潮。

咁唔知可以令你毫不犹豫落街去食嘅宵夜，又系边样

系一碟爽滑入味、镬气十足嘅干炒犇河？

抑或一碗软绵甜蜜嘅糖水

定系街头惹味嘅烧生蚝、蒸元贝？

又或者系同三两知己饮餐夜茶吹水倾计？

你最中意嘅宵夜同宵夜档！

小沅子温馨提醒：宵夜虽好但系都系唔好暴饮暴食，注意饮食均衡健康至上！

素材出自《民国味道》《宵夜发展史的香艳前传》等