原标题:成名血泪史!马国明挨足8年先担正《寻秦记》《封神榜》跑过龙套
无綫热播剧《宫心计2深宫计》受观众追捧,除了宫内明争暗斗嘅剧情够好睇外主演之一嘅馬国明都好抢眼,皆因佢不时Man爆骚肌唔止心颖BB睇到心心眼,连一班观众都流晒口水!
已经“升呢”为当红小生嘅马国明冇话锡身依然肯为剧集露肉,表现仲十分专业不过其实佢未成名前都好挨得,仲做过唔少路人甲角色
剧集《洗冤录》、《FM701》、《封神榜》到《陀枪師姐II》等,马国明穿越古代做王爷又试过做唐三藏、士兵同大夫之一,可惜统统冇对白镜头仲少得可怜,难怪网友都话睇剧时发现唔箌马国明要用放大镜先搵到佢。
去到《皆大欢喜》就好啲终于有几句对白可以讲,虽然冇乜发挥但马国明依然交足戏,呢啲咪叫敬業啰!
机会系留给有准备嘅人跑龙套跑足几年后,马国明终于接到《冲上云霄》嘅角色仲凭靓仔机师形象爆红,
之后首度担正演出《律政新人王II》由零对白到男主角,呢条路足足挨咗8年认真有血有泪。唔少网友都大赞马国明好挨得少啲毅力都坚持唔到,亦有网友話马国明当年有少少Baby fat个样相当青涩,差啲认唔到佢果然仔大十八变!
XXoyTsaXX:所以话努力会有出头天,加油!
LaXXXilence:佢仲有做《寻秦记》系琴清新婚当晚去打仗嘅死鬼老公。
XXXTai Lau:仲有《金装四大才子》入面喺钱庄叫嚣嘅村民甲
JennyWuXXX:呢几套我都睇过,竟然冇发现佢!